Martın 3-də Bakı Şəhər Mədəniyyət Baş İdarəsinin Xətai rayon MKS-nin Mərkəzi Kitabxanasında Ağdam rayonunun Şelli, Qurtlar, Qasımlı , Qaradağlı, Poladlı kəndinin şəhid ailələri ilə görüş təşkil olundu.
Görüşdə Ağdam rayonunun Şelli, Qurtlar, Qasımlı , Qaradağlı, Poladlı kənd şəhidlərinin ailə üzvləri və Xətai rayon MKS-nin əməkdaşları iştirak etdilər.
Tədbir torpaqlarımızın suverenliyi, ərazi bütövlüyü uğrunda həlak olan şəhidlərin xatirəsinin bir dəqiqəlik sükutu ilə başladı.
Tədbiri giriş sözü ilə açan Azərbaycan Respublikasının I Qarabaq Müharibəsi şəhidi, Milli Qəhrəman Xəqani Aslanovun oğlu Cəsarət Aslanov iştirakçıları salamladı və Ağdam rayonunun Şelli, Qurtlar, Qasımlı , Qaradağlı, Poladlı kəndinin şəhidləri haqqında qısa, şərəfli ömür, döyüş yolundan danışdı və onlara Allahdan səbr dilədi.
Çıxış edən natiqlər bildirdilər ki, şəhidlərin xatirəsi Azərbaycan xalqının qəlbində həmişə yaşayacaq. Vətən uğrunda canından keçən oğullarımızın təkcə onların deyil, hər kəsin övladı olduğunu qeyd etdilər.
Daha sonra görüşdə çıxış edən şəhid ailələri oniara göstərilən diqqət və qayğıya görə Azərbaycan Respublikasının Prezidenti İlham Əliyevə öz minnətdarlıqlarını bildirdilər