16 Mart , 2023
Nurəddin İslam oğlu İbrahimov 16 mart 1951-ci ildə Bakı şəhərinin Buzovna qəsəbəsində doğulub. 1969-cu buradakı 125 saylı orta məktəbi bitirib. 1970-ci ildə ordu sıralarına çağırılıb.
Hərbi xidmətdən sonra Bakı Aqreqatlar Zavodunun texniki nəzarət şöbəsində əmək fəaliyyətinə başlayıb. 1975-ci ilin iyulunda komsomol çağırışı ilə BAM-a işləməyə gedib. 1978-ci ildə İrkutsk şəhər Daxili İşlər İdarəsində işə qəbul olunur. Milis sisteminə olan hədsiz həvəsi onu 1981-ci ilin mayında SSRİ Daxili İşlər Nazirliyinin Xabarovsk şəhər Ali Milis Məktəbinə gətirib çıxarır. O, 1982-ci ildə İrkutsk şəhərində baş sahə inspektoru vəzifəsinə təyin olunub. N.İbrahimov 1986-cı ildə hüquqşünas ixtisası üzrə ali təhsilini müvəffəqiyyətlə başa vurur. 1986-cı ildə “Əla xidmətə görə” medalı ilə təltif olunur. 1988-ci ildə onu daha bir məsul vəzifəyə – cinayət axtarışı şöbəsinin rəisi vəzifəsinə təyin ediblər. 1989-cu ildə o, İrkutsk Şəhər Sovetinə deputat seçilib.
1990-cı ildə Vətənin başını qara buludlar alan zaman o, Azərbaycana qayıdır. Elə həmin il Laçın RDİŞ-nə sahə müvəkkili göndərilir. Burada gedən döyüşlərdə fəal iştirak edir. N.İbrahimov döyüşlərin birində yaralanaraq bir müddət hospitalda müalicə olunur. Zədəsi ciddi olduğuna görə 1991-ci ildə öz işini Bakı şəhər Xəzər (Əzizbəyov) RDİŞ-ndə davam etdirməli olur. Nurəddin cəbhə xəttindən uzaqda olmasına baxmayaraq, tez-tez cəbhə bölgələrinə gedir, polis yoldaşlarına yaxından köməklik göstərirdi. 1993-cü ildə Kosalar kəndi və Cəbrayıl rayonu uğrunda gedən döyüşlərdə əsl qəhrəmanlıq göstərmişdi. Polis mayoru rütbəsinəcən yüksəlib.
Nurəddin İbrahimov 1995-ci il fevral ayının 10-da Binə qəsəbəsində cinayətkar dəstənin zərərsizləşdirilməsi zamanı xüsusi qəhrəmanlıq göstərib və həlak olub.
Evli idi. Bir qızı yadigar qalıb.
Azərbaycan Respublikası Prezidentinin 26 dekabr 1995-ci il tarixli 424 saylı fərmanı ilə İbrahimov Nurəddin İslam oğluna ölümündən sonra “Azərbaycanın Milli Qəhrəmanı” adı verilib.
Bakı şəhərində Buzovna qəsəbə qəbiristanlığında dəfn edilib. Buzovna qəsəbəsində küçələrdən biri onun adını daşıyır.
Hərbi xidmətdən sonra Bakı Aqreqatlar Zavodunun texniki nəzarət şöbəsində əmək fəaliyyətinə başlayıb. 1975-ci ilin iyulunda komsomol çağırışı ilə BAM-a işləməyə gedib. 1978-ci ildə İrkutsk şəhər Daxili İşlər İdarəsində işə qəbul olunur. Milis sisteminə olan hədsiz həvəsi onu 1981-ci ilin mayında SSRİ Daxili İşlər Nazirliyinin Xabarovsk şəhər Ali Milis Məktəbinə gətirib çıxarır. O, 1982-ci ildə İrkutsk şəhərində baş sahə inspektoru vəzifəsinə təyin olunub. N.İbrahimov 1986-cı ildə hüquqşünas ixtisası üzrə ali təhsilini müvəffəqiyyətlə başa vurur. 1986-cı ildə “Əla xidmətə görə” medalı ilə təltif olunur. 1988-ci ildə onu daha bir məsul vəzifəyə – cinayət axtarışı şöbəsinin rəisi vəzifəsinə təyin ediblər. 1989-cu ildə o, İrkutsk Şəhər Sovetinə deputat seçilib.
1990-cı ildə Vətənin başını qara buludlar alan zaman o, Azərbaycana qayıdır. Elə həmin il Laçın RDİŞ-nə sahə müvəkkili göndərilir. Burada gedən döyüşlərdə fəal iştirak edir. N.İbrahimov döyüşlərin birində yaralanaraq bir müddət hospitalda müalicə olunur. Zədəsi ciddi olduğuna görə 1991-ci ildə öz işini Bakı şəhər Xəzər (Əzizbəyov) RDİŞ-ndə davam etdirməli olur. Nurəddin cəbhə xəttindən uzaqda olmasına baxmayaraq, tez-tez cəbhə bölgələrinə gedir, polis yoldaşlarına yaxından köməklik göstərirdi. 1993-cü ildə Kosalar kəndi və Cəbrayıl rayonu uğrunda gedən döyüşlərdə əsl qəhrəmanlıq göstərmişdi. Polis mayoru rütbəsinəcən yüksəlib.
Nurəddin İbrahimov 1995-ci il fevral ayının 10-da Binə qəsəbəsində cinayətkar dəstənin zərərsizləşdirilməsi zamanı xüsusi qəhrəmanlıq göstərib və həlak olub.
Evli idi. Bir qızı yadigar qalıb.
Azərbaycan Respublikası Prezidentinin 26 dekabr 1995-ci il tarixli 424 saylı fərmanı ilə İbrahimov Nurəddin İslam oğluna ölümündən sonra “Azərbaycanın Milli Qəhrəmanı” adı verilib.
Bakı şəhərində Buzovna qəsəbə qəbiristanlığında dəfn edilib. Buzovna qəsəbəsində küçələrdən biri onun adını daşıyır.
